El retruque automáticu
Ye sorprendente cuando un emplegau d'una empresa da retruques mecánicos o automaticos namai que pa defender les coses que son totalmente indefendibles, güei, pase pela Casa del Llibru en Xixón, la gran franquicia xunto a la fnac de los llibros, tamos n'Asturies, con gran bayura lliteraria, cientos de publicaciones de tou tipu nel idioma nacional y pela tanto ye mas que normal alcontrar llibros n'asturianu nes llibreríes, por supuestu qu'hailes especializaes pero nes xeneralistes tamien. Buscaba daqué de lliteratura infantil y na planta superior remitieronme a la inferior u ta una seición dedicao a la lliteratura asturiana, dempués de buscar nun alcontré res y decidime a entruga-y a la moza que taba mas cerca, el retruque foi, nun tenemos seición n'asturianu y yo entrugué ¿y eso, cerraron les editoriales?, el so retruque foi, primero qu'habia muy poques editoriales, llueu que nun habia bona distribución, y finalmente cuando ya nun tenia salida que nun había novedaes, apaecieron dalgunos llibros, encaramaos no mas alto. En fin, que cuando una empresa nun quier facer daqué nun fai-lo y punto, pero ya ta bien de mentires y retruques automáticos, nun pue facese a la xente boba y so tou nun pue tratase de desprestixar a les empreses asturianes de asoleyamientu y distribución de llibros gratuitamente namai que por que nun quier tenese un productu que pa vendelu hai que ufiertalu, enseñalu y so tou promocionalu, y non escondelu no alto d'una estanteria, ye ridículo que los llibros infantiles n'asturianu, ten desterraos de la so seición que nun ye otra que la infantil, hai polítiques d'empresa que enxamas entenderé. Por ciertu La Casa del LLibru güei perdió pa siempre un cliente y tolos que yo puea algamar que nun merquen n'esta franquicia.