La reforma l’estatutu d’Asturies

Serxu Solares

Al poneme a escribir estes llinies, terminaba d’escuchar que aniciavense los trabayos pa la reforma l’estatutu d’autonomía d’Asturies, esto faeme reflesionar so la necesidá que tenemos de danos unes lleis de masimos, unes lleis que caminen a asemeyanos a otres naciones del Estau y non a les rexones, un estatutu nel que ye imprescindible l’oficialidá de la Llingua asturiana, una Llingua nuesa que ta a la tiesta de los fechos diferenciales del nuesu país, l’oficialidá de la Llingua asturiana nun tien que ser asemeyada a la de dengún otru llau, ensin non que tien que ser la nuesa, oficializar la Llingua asturiana, nun implica usurpar drechos a nadie, nun implica obligar a depréndela a naide, ensin non que reconoz un drechu a milenta asturianos y asturianes a los qu’agora ta privándose-nos d’ un drechu irrenunciable el de falar y poder emplegala en toles xeres de la Sociedá. Dende va munchu tiempu llevo escuchando dellos argumentos zafios que nun tienen sentíu nesti sieglu, yo nun creome que esto d’oficializar l’asturianu seya un problema real na Sociedá, toi seguru que nun pondría problema nadie, bono naide, naide, ya sabemos qu’equi sigue habiendo munchu facha, creo que ye un problema de políticos, ye incomprensible qu’un partíu como el nuesu que defiende y protexe l’idioma n’ otres zones como na vecina Galicia ensin dir mas lloñe, equí refúguela, nun ye entendible que’l partíu popular, nun seya favoratible a l’idioma cuando si lo ye n’otres zones. Equi vienen les entrugues de siempre, ¿Cuál ye’l motivu catetu que fae que refuguemos de dignificar la nuesa Llingua cuando vemos como el gallegu comenos praos pel occidente?, ¿Por qué gastamos miles d’euros nuna Llingua que nun queremos reconocer?, ¿Quién diba mancase por oficializar la Llingua asturiana?, ¿Cuál ye’l mieu que se tien a facer oficial el nuesu idioma?. Quiciaves seya que n’asturies, tovia tenemos complexos provincianos que faennos tar nel furgón de cola de les naciones hestóriques y que tenemos mieu a salir na tele o la radio, pero como yo supongo que munchos mas asturianos y asturianes, tamos fartos de ver como cuando falase de cualquier tema, salten de Euskadi a Galicia o de Cantabria a Andalucía, o de Madrid a Catalunya, ya tubo bien. Na reforma l’estatutu l’asturianu Llingua oficial.