La sidra y el vinu RIP

Serxu Solares
El mundiu ta tornándose llocu, dende va tiempu faense unes coses que nun paecen tar camentaes pa la xente, ensin non pa l’escaparate de la galería, pa los llibros de hestoria o pal anecdotariu, entamose cola esperada y deseada llei antitabacu que ta completamente descafeinada y que dende la mi esperiencia d’esti tiempu poco perseguia y res aplicao, foi una midía cobarde y les midies cobardes terminen fracasando, tolos partios políticos pusieronse d’acuerdu y llueu caun u gobernaba fixo lo que-y dio la gana, nos caberos meses voi viendo como dellos chigres que cumplien la llei y declararonse de non fumaores por que non cumplien cola reglamentación, tornen a ser un infiernu irrespirable, castigaor de prendes de ropa y polmones inocentes, pero en fin esperemos que col tiempu esto sea lo que tien que ser y nos chigres midan lo que midan nun se puea fumar.
Pero agora tocase un tema perdelicau, que va influyir de manera perimpotante na economía d’un país como Asturies, si sal p’alantre, meter nel mesmu sacu al vinu o la sidra que a la xinebra, el güisqui o el brandi ye del tou una barbaridá de los mas bárbaro y un desconocimientu tremendu de la realidá de zones como esta, pero centrémonos na nuesa bebía nacional que tien menos protectores, la sidra, de baxa graduación alcohólica, pocu mas que una cerveza de les comunes, ye mas que una bebida fermentao, ye una parte cultural d’Asturies, un elementu de la economía, de la folixa, del alcuentru, de la esfoyaza, del amagüestu, del viaxeru asturianu pel mundiu, ye una seña d’identidá, que con esta llei caería nel sacu del escaecimientu ruinosu de la industria. Pongamos efeutos prauticos que dexuru van a movilizanos a toos y a toes:
1.- El culín cantau na radio de los goles del Sporting (acabose), 2.- La sidre en medio de la plaza del Conceyu en Salamanca, o en Logroño o en cualquier ciudá del estau (terminose), 3.- Folixes de la sidre natural (acabose), 4.- El record guines d’escanciau (terminose), 5.- El matrimoniu sidra y romeria (acabose), 6.- El culin al famosu/a en mediu la cai y colos medios de comunicación de mediu muindiu (terminose), 7.- El culin que tomamos na cai o nel prau (acabose), 8.- Cellebrar el campionatu del mundiu d’Alonso con sidra na cai (terminose), 9.- Les campanaes con sidre espumoso na plaza mayor (acabose), y 10.- La celebración del ascensu a primera del Sporting, o ponemos-y un chorru de sidre en llugar d’agua a la fonte de Begoña y que nun s’enteren claro o terminamos presos toos y toes (eso si que seria el terminose). ¿Hai dalguién que puea imaxinase estes situaciones?, pero ye que comu estes hai cientos, podríamos tar tola mañana o tol dia, o tola semana. La sidra y el vinu nun puen entrar nes midies mas restrictives d´esta llei, ye cierto que ye necesario facer daque pa protexer a la nuesa mocedá de peligros como les drogues o el acohól, pero recordemos tamien que les drogues nun se venden nes drogueries y tan en toles discoteques como si se vendieren.