LOS LLODOS DEL PP

Dende va tiempu'l PP nun para de nomar los conocíos llodos del Acuariu, nun sabemos si esmolecíos pol sufrimientu que van llevar los pexes qu'ellí vivan o comu casi siempre pela preocupación de que’l Conceyu de Xixón, te llevando p’alantre, mal que-yos pese caún de los puntos que l’Agrupación Socialista de Xixón llevaba nel programa electoral, yo creo y ye conseyu nun de sabiu pero si de ciudadanu, que lo meyor que puen facer ye dexar los llodos de Poniente y revisar los propios de los que prestaríame facer un repasín y asina refresca-yos la memoria anque bona parte d’ellos tan anguañu mas vivos que nunca, podíamos entamar pelos LLODOS DEL PRESTIGE, mas conocíos como filinos de plestilina, que supieron tapar perbien col magníficu serviciu de comunicación, tamién de los LLODOS DE DESTRUCCIÓN MASIVA, por qu'eso ye l’único que tenía Sadan n’Irak “Pueden creerme” dicía'l qu’entós yera cabezaleru oficial y agora na solombra Jose Maria “Ansar”, pos bien estos díes queda claru que mentía mas que nunca y tamién que los que diben a salvar al pueblu Iraquí, masácrenlu, abusen de los presos ya incumplen tolos pautos de Ginebra ya internacionales coles recientes semeyes espublizaes de Sadan en gayunbos, “manda güevos”, que diría'l responsable d’otru de los grandes LLODOS del PP, l’avionin nel que morrieron soldaos, persones con families y qu’enterraron a la priesa y corriendo ensin saber lo qu’enterraben, pero los llodos bien tapiaos siguen caleyando comu'l casu Majadaonda, nel qu’hai moyaos fasta sabe onde, o'l de los mélicos que mataben a la xente y que la Conseyería de la líder madrileña Esperanza Aguirre retruco con un simple equivocámosnos, nun pasa res, tiramos el prestixu de profesionales, cargámonos al responsable del serviciu y ponemos en peligru la confianza de los pacientes na sanidá pública pero equí nun pasa res, somos el PP y nel PP nun dimite naide, tamién tenemos los recientes LLODOS del xurásicu presidente gallegu, Don Manuel, viaxa con fondos públicos a facer campaña a Sudamérica y oye, nun pasa res, que la drecha robe ye lo normal, lo qu’hai que criticar ye lo que fai'l PSOE, pero ye qu’esta nun ye la primera anque esperemos que seya de la cabera, tovía ta fresco la campaña a l’escontra del gobiernu de Zapatero, diciendo mentires y pagao tamién comu nun podía ser d’otra mena colos fondos públicos, llueu lleguen dalgunos LLODOS d’ámbitu mas domésticu, comu'l que tenéis y esi si que ye materia contaminante y de nome Francisco Alvarez Cascos, qu’insulta y menosprecia a la direición del partíu n’Asturies y el so responsable actuando comu una marioneta con mieu a perder a so siella diz qu'eses pallabres son ánimos pa siguir p’adelante, pero bono, como ye esto, si nel PSOE, hai daqué asemeyeao al día siguiente tresmitiríase na so opinión comu la división interna, esterna o comu seya que rompi l’unidá d’España y del mundiu, venga ya, ya ta bien de vendenos motos que llueu terminen siendo bicicletes y de les males, tamién tenemos los LLODOS oportunistes, aquellos nos que'l PP asume'l papel tan criticáu a los socialistes y denomináu pelos llíderes populares comu los “Pancarteros”, vimos a Pilar y los sos conceyales comu yeren los cabezaleros delantre la pancarta la Radioterapia, que dexuru asumen comu llogru suyu, o la camisetina de la marcha verde, u paezme que les coses que se tresmiten quiciabes nun seyan de tou ciertes y comu munchos y munches pretenden convertise n’empresarios inmobiliarios y esi ye’l problema real y nun el de terminar cola parroquia de Roces o'l tema ecoloxista, etc, etc, pero a quien quieren engañar, pero siguiendo colo ecolóxico nun estrañaríame qu'agora defendieren la depuradora del este con tal de que les agües turbies caigan enriba del PSOE. Y llueu y ya pa terminar esti repasín LLODERU, que podría ser eternu, ta'l LLODU Sporting, dalgunos rumores cuenten que'l xerente ya tien un acuerdu con PILAR pa recalificar MAREO si ellos ganen les eleiciones y yo entrúgome, ¿U tan aquellos qu'embaxu les sigles del PP, criticaron y criticaron el sofitu, que llegaron a calificar de caciquil del Conceyu y del Principáu?, ¿U tan aquellos defensores de los intereses de tolos ciudadanos y que nun podíen gastase les perres municipales en mantener equipos de fútbol? Lo que nun pue mantenese ye un equipu de fútbol cuyu dueñu tien perres abondo, tien xerentes y otros cargos multimillonarios que SÍ cobren, direutivos que viaxen, dir a bonos hoteles, etc. etc. y tener a los obreros ensin cobrar.