LLARGU Y CÁLIDU BRANU

A lo llargo d’esti branu, pudimos observar comu la vida política asturiana y estatal nun paraben la so actividá, unos díes con mas fuercia qu’otros pero siempre nos medios de comunicación, nel mes de xunetu vimos de nueu a los llíderes del PP, agarraos a la pancarta, esta vegada'l casu taba en Murcia, agua pa tolos campos de golf, pa urbanizaciones al borde la playa y pa equipamientos d’ociu n’escesu, pero tamién pa la güerta, faltaría mas. Pero si acercámosnos mas a la nuesa tierra, nos caberos díes, el “Partido Popular”, ta entrando a la carga a criticar el plan de Montilla pa cola industria, pues bien a mi tampocu gustame, pero creo que toos y toes teníamos claro que tarde o tempranu diba llegar, el gobiernu popular que gobernó 8 años nun fixo res por crear alternatives clares a daqué que taba morriendo, el PP, qu’agora tantu esbabaya, nun movió un deu pa que la minería tuviere una alternativa ante daqué que sabia taba abocao a la llenta muerte, equí pasa un pocu como col tema de los astilleros, el gobiernu socialista, garro una patata que mas que caliente taba fuera de puntu y so lo que yera imposible facer res, asina y tou, peleose pa da-y una salida al tema y paez qu’algamóse, toi seguru, que dende’l PSOE, nun va dexase de cualaquier manera a los mineros asturianos. Ovidio Sánchez y Pilar Fernández Pardo, piden coses que saben que nun son posibles y oculten intencionadamente comu bien siendo habitual información cuando dicen coses como lo que publicare LA NUEVA ESPAÑA "después de todos los esfuerzos realizados desde 1996, el PSOE sigue teniendo en mente cerrar las minas", los esfuerzos nun fueron tales y al mio entender fue guardándose'l polvu embaxu l’alfombra, agora ya nun podía pisase nella ensin que saliera. Otru de los destapes políticos del branu, ya agora al final foi lo publicao'l martes 23 d’agostu por esti periódicu, na que'l PP opónse a les restricciones del gobiernu asturianu a l’apertura de grandes superficies, acusándolu de “intervensionismo asfixiante”, vamos ver, yo entiendo qu'un partíu de la drecha como ye esti sea favoratible a la gran empresa, ensin importa-y el pequeñu comerciu, enllenu de families que viven de lo que da esti, ensin dengún tipu de contrapartida cuando’l negociu vase a pique por que pal estáu los autónomos “son empresarios”, empresarios que trabayen munches vegaes de sol a sol y que nun ven les perres mas lloñe de los pufos, creo que ye necesario dalgún tipu de regulación que ponga frene a la llegada masiva de los xigantes que terminen col pequeñu comerciu, yo tamién soi partidariu del llibre comerciu y creo que los ciudadanos y ciudadanes tenemos drechu a mercar u queramos, pero tamién paezme que pa una población comu l’asturiana alrodiu del millón de persones de les que nun toos son mercantes, hai agora una ufierta mas que de sobra y de toes les races, y so tou vemos tolos díes, liquidaciones por cierre nun solo de pequeños ensin non tamién de medianos comercios.
Pero nun querria pesllar esti repasu ensin facer recuerdu de dos temes, señor Zaplana y PP, cáyense ya, tengan la boca pesllada que va ser la meyor manera de que nun tengamos que recorda-yos una vegada mas lo del YAK, creo que la población qu'anque vustedes camienten que si, nun ye fata, agüeyó y ta agüeyando les grandes diferencies, ente l’accidente del YAK y esti, creo que les families tan dándose cuenta de que los coses camudaron y afortunadamente pa bien y qu’agora ta faciéndose lo que tuvieron que facer vustedes y que desgraciadamente salió comu salió, señor Zaplana, recuerde qu’hai trozos de persones incineraes con otres cuando a pies xuntos negaben qu’eso fuera asina, cáyense ya que tienen muncho que cayar. L’otru recuerdu quiero tenelu pa los “HÉROES DE SIMANCAS”, n’especial pal “señor” Alonso Sábada que dicía “ahora parece que ganaron la guerra los que la perdieron”, pues mire, nun ganamos la guerra, a la mi familia, machacáronla por roxa, durante munchu tiempu dempués, les persones nun yeren persones y los mineros teníen cuernos y rabu, pero tres 40 años, nos que los roxos nun pudimos cellebrar res, vustedes los fascistes que mataron, torturaron y castigaron demientres esi tiempu puen dicir les sandeces que quieran, puen cellebrar lo que quieran y puen incluso criticar a los que gobiernen, por ello, ganamos otra guerra, tardamos 40 años pero ye mas importante que la vuesa, la de la DEMOCRACIA, la de los drechos pa toos y pa toes y la de la opción d’escoyer a los que nos gobiernen, ye mas incluso puen gobernar, pero voi dici-vos, la memoria hestórica ye necesario recuperala ente otres coses por qu’hai cientos de ciudadanos y ciudadanes que nun saben u esterminaron vustedes a los suyos, a lo meyor ye l’intre de que dalguién vos xulgue y que contéis u-yos pegabais en tiru y los enterrabais al pie la cuneta o por que garrabais a la xente y la matabais por ser roxa o simplemente por camentar, por ser poeta, por ser homosexual. ¿Siguimos recuperando la memoria hestórica fascista?, creo que primero tenéis que pidir perdón y contar munches coses.