L’ESTATUTU CATALÁN

Yo sinceramente lu envidio, quiciabes hai puntos meyorables, so too aquellos que refiérense a la solidaridá ente comunidaes, pero ¿Cuál ye’l problema?, el PP aprovecha cualaquier ocasión pa facer campaña a la escontra’l PSOE y de Jose Luis Rodríguez Zapatero, agora, van feriar per toles places, desplicando l’estatutu o meyor tovía, lo qu’ellos interpreten d’esti, metiendo’l mieu a la xente nel cuerpu y cuntando mentires, ocultando la parte que-yos interesa cola única meta de sacar d’embaxu tierra a los fanáticos españoles, a la drechona mas reaccionaria y fascista, la que nun respeta a nada nin a naide, Rubalcaba dicíalo estos díes, lo que va facer el PP, ye realmente tratar de romper cola tranquilidá del Estáu, enfrentando a tolos que puea con Catalunya.
Al pueblu CATALÁN tiense-y fobia, y cuantu mas a la drecha tes mas fobia tovía, yo viví y trabaye en Catalunya, tengo grandes collacios ellí y paezme un gran pueblu, xente que defende la so identidá cultural, llingüística y social, el pueblu CATALÁN, trabaya pa construir, camienta nel futuru y nun son racanos, ensin non intelixentes, nun ye que nun gasten, ensin non que nun derrochen, nun ye qu'aforren les perres, ensin non que les reinvierten, son FENICIOS, bonos mercaderes y saben vender les sos coses como les meyores del mercáu, per ello, tolos partíos de la cámara catalana, menos comu siempre'l PP, aprebaron l’Estatutu, nun sedrá tan terrible.
A min paezme qu’esti ye un bon exemplu a siguir, insisto que corrixendo aquellos puntos que seyan insolidarios y faigan marcar les diferencies mas si ye posible ente unes zones y otres del Estáu, pero creo qu’Asturies ye a lo que tien qu’aspirar, y nun pue quedase atrás, dende’l PSOE, y so tou dende la figura del nuesu secretariu xeneral Jose Luis Rodríguez Zapatero, defendese un conceutu d’España real, que ye’l de la pluralidá, cultural, llingüística, social, somos dixebraos unos a otros, tenemos coses comunes pero munches que nun s’asemeyen res, y creo que ye necesario que se fale muncho d’esti tema, que llegue a la sociedá pero so tou que dientro del marcu llegal, respétense les decisiones que tomen los pueblos, el presidente Zapatero, nun puso mas llimitación que la Constitución, tando dientro d’ella, pocu mas hai que falar, lo difícil son les interpretaciones y tornes de rosca que van da-y a esti testu, Zaplana, Acebes y compañía, comu ya fixeren col matrimoniu ente persones del mesmu sesu, argumentos que caen siempre pol so propiu pesu.