“HACIENDA” SOMOS TOOS?

Sí, “Hacienda” somos toos y toes a la hora de soltar les perres, a la hora de pagar, pero nun sómoslo a la hora d’otres coses, pelo menos na delegación qu'esti organismu tien na ciudá de Xixón, esta selmana pasá, la mio muyer trataba d’acceder a les instalaciones con un carricoche na que dientru diba Maeve de 12 díes, comu bien ye sabío por cualaquier persona, una moza que termina de parir, tien puntos y una serie de disminuciones de la so capacidá física, polo que cargar col carru pa xubir 20 escaleres ye estaya imposible, ante esta dificultá llee un lletreru que diz “Accesu minusválidos per atrás”, ante la so incapacidá física temporal, qu'anque nun ye una minusvalía cierta o fichada, si lo ye ante la imposibilidá de desempeñar ciertes estayes, diríxese a esti llugar, cuandu pica al timbre, un personaxe siniestru asoma por un ventanucu, tipu a los del tren de la bruxa y comenta-y que si puen facilita-y l’accesu, esti señor funcionariu, posiblemente cómodamente sentáu na so poltrona, diz que ye un accesu esclusivu pa minusvalidos y que nun contemplase otra posibilidá, Ana entruga-y entós que si hai dalguién que puea echa-y un gabitu pa subir les escaleres que pa ella ye imposible, a lo que con toa pachorra de funcionariu acomodáu (afortunadamente nun toos y toles funcionarios/es son iguales), diz qu'esa nun ye competencia de naide y qu'arréglese comu puea y yo entrúgome, ¿Cómo ye posible que nel sieglu XXI, quede xente tan cuadriculao al frente de les instituciones publiques o na atención al públicu?, ¿Comu personaxes tan mal educaos puen tar trabayando pol simple fechu de tener aprebau un esamen (oposición), de mas o menos tiempu?, ¿quien ye élo la responsable de marcar normes tan estrictes que nun puen flesibilizase ante impedios reales?, ¿Qu’ocurre si una persona con una pierna escayolao tien qu’acceder al edificiu?, ye insúltante que sigamos con tantes dificultaes pa llegar a sitios que nun queda mas remediu que dir y que la mayor parte les vegaes, nun pue dir naide por ti, pero lo peor de tou ye que pa ello tengas que recurrir a la caridá humana y a dalguna persona tanto pa entrar como pa salir por que denguno o denguna de los/es funcionarios/es qu’ellí alcontrábense quixeron o pudieron sofitala.