EL PSOE NUN FAE RES

Esta xunto a “Asturies ta escaecia dende que nun tenemos ministros asturianos”, deben ser les dos frases mas emplegaes pel PP, pa desprestixar a los gobiernos socialistes. Pretendo nesti artículu, facer un pequeñu repasu de lo que llevamos fecho los socialistes, nesta cabera lexislatura. El gobiernu de Zapatero, cambeo la situación de falta de respetu total a Asturies y los/es asturianos/es que mantenía el de Aznar, pela de cooperación, siendo el caberzaleru de los presidentes españoles que visitaba la sede del Gobiernu asturianu, en 2005 aumentaronse un 9,7% lo destinao a Asturies con respeutu al 2004 (gobiernu PP), y nun para ehí por que los d'esti añu superen lo invertio en 2005 en un 12,5%, l'autovía del Cantábricu tara licitao per completu en 2006, la variante ferroviaria de Payares, de la que Cascos puso una piedra, fixo una semeya y nun invitó al Presidente asturianu, pa llueu nun meter una maquina a trabayar, foi el gobiernu socialista el que anició les obres y trabaya a plenu ritmu pa qu'Asturies tenga alta velocidá en 2009, y la obra mas importante pa los/es xixoneses, l'ampliación del puertu del Musel que incluye amás la planta regasificaora pa la ciudá y los nueos accesos que llevaben dende'l sieglu pasau paraos. Collaboren con 72 millones d'€uros na construcción del Hospital Universitariu Central d'Asturies, y otros 104 millones pa la meyora de la financiación sanitaria. Firmose tamien el nueu plan de la minería, que meyora con munches creces aquel que el PP vendionos como hestóricu, llegará fasta'l 2012 y destina 8.255 millones d'€uros al sofitu la minería y a la reactivación de les comarques mineres. En Xixón meyoren el trazau y allarguen fasta Cabueñes l'entrada de FEVE y RENFE. N'Asturies tampocu se faen coses, el Caberzaleru de los Centros d'Atención Integral pa Muyeres Víctimes de la Violencia de Xéneru, que col sofitu del Gobiernu d'España y del nuesu Conceyu ta terminando de facese en Montevil, importantes inversiones na Universidá Llaboral que va convertise en daqué digno, construyeronse viviendes de promoción pública en Montevil, Tremañes, La Lloreal, Av. De Galicia, Sotiellu y Puao, remocicose por completu el Centru d'Especialidaes de Puerta La Villa, construyose un nueu centru de salú en Montevil, tan terminando de facese los enllaces de l'autovía minera de Ciares y la construcción del nueu polígonu industrial de Tremañes-Los Campones, desdóblase l'antigua carretera Xixón-Uvieu, crease una zona d'actividaes loxístiques (ZALIA). Nel emplegu la otra gran asignatura asturiana, tamos en niveles d'ocupación de mas de 400.000 persones, cifres que namai se dieron en dómines de los años 70, cola Asturies en plenu rendimientu, Asturies ye una de les comunidaes con meyor calidá asistencial y somos los segundos que mas recursos destinamos a les rentes mínimes cola creación del Salariu Social. En cuantu al Conceyu de Xixón, tamos con un grau de cumplimientu del programa ellectoral que ronda'l 90%, tenemos un excelente Xardín Botánicu que meyorará colos años, pero que ye un espaciu onde poder esfrutar de la natura, t'apuntu d'inagurase el complexu arqueolóxicu de Veranes, como tamien va facelo esti branu el Acuariu, ta en construcción el Balneariu y en marcha el plan especial de reforma de la muria de San Llorienzu, tá trabayandose pa la elliminación de la barrera ferroviaria de la ciudá, en contrucción el nueu Centru Municipal Intregrau de El Llano, urbanizaronse y meyoraronse mas de cien cais, ta llegando el abastecimientu y saneamientu a la zona rural, sigue apostandose pel emplegu col pactu Xixón Emprende, crearonse nueves escueles de 0-3 años en Cimavilla, El Llano, Ciares, La Calzada, Pumarín y Montevil, estes dos caberes pa esti nuevu cursu. L'atención preferente a los Servicios Sociales comu exe de la nuesa política col sofitu a domiciliu, la teleasistencia gratuita pa mayores de 80 años, sofitu pal tresporte, programes preventivos y un llagu etc. Podría tar escribiendo una hora mas y ye qu'en los estaos, los paises y les ciudaes siempre queden coses por facer, pero namas un mentirosu podría dicir que n'esti tiempu Xixón pa poner el referente mas cercanu, nun pego un baltu completu convirtiendose nuna ciudá de primera.